Xioami ne aaj India mein Y series ke smartphone launch kiye, jiske saath latest home user interface MIUI 9 bhi launch kiya gaya hai.  MIUI 9 Android Nougat par based hai aur mainly iska aim phone aur uski performance ko fast karna hai.

Is baar MIUI 9 mein kayi exciting features aayein hain jinke baare mein hum aapko is article mein bataane waale hain.

  1. Xiaomi ki maanein to ye naya software stock Android jitna hi fast hoga. Company ne is baar 2 main areas ki taraf focus kiya hai jismein app ke launch hone ka time reduce karna aur UI transitions ki smoothness badhana shaamil hain.
  2. MIUI 9 mein Xiaomi ne App Vault feature diya hai jahaan aap left swipe karke pahunch sakte hain. Yahaan se aap Paytm se directly recharges aur payments kar sakte hain, News feed check kar sakte hain, cab book kar sakte hain aur recently open apps bhi dekh sakte hain. Jisse particularly alag alag apps ko open nahin karna padega.
  3. Android Nougat ki hi tarah is baar MIUI 9 mein bhi screen split karne ka feature diya gya hai.
  4. Is baar company ne Home screen ko edit karne ke option ko bhi improve kiya hai jahaan ab kewal 3 options hain jinmein wallpapers, widgets aur settings shaamil hain.
  5. MIUI 9 mein security updates bhi kiya gaye hain. Aap main screen se hi kayi apps ko control kar sakte hain. Saath hi sab kuch behad clarity aur easy way mein present kiya gya hai.

       6. MIUI 9 mein image search ka feature bhi diya gaya hai jo bilkul Google ke image search feature jaisa hai.                    Yahaan aap apni photo libraray mein people, location, expression, screenshots, etc. ke aadhaar par photos                    search kar sakte hain.

7. Jaisa ki Android Nougat mein bhi hota hai, MIUI 9 update ke baad ab aapko kewal reply karne ke liye app                open karne ki zaroorat nahin hai, aap notification bar se hi reply kar sakte hain.

8. MIUI 9 mein Limitless theme aur animated icons bhi hain. Ismein 21 icons hain jo har baar animate honge              jab aap wapas home screen par jaayenge.

9. MIUI 9 mein updated photo editor bhi moujood hai. Iske features dwara aap kisi bhi unwanted object ko                   finger tap karke photo se remove kar sakte hain.

10. Is baar ismein ek IRCTC card bhi hoga jo railways se related information ko exactly aap tak pahunchaayega.           Apki ticket ki confirmation, PNR status easily check karna, etc.

11. Ismein mein specially Indian variants mein 12 stickers aur panchang calendars jaise features bhi honge.