Smartphone haath mein aate hi, kayi aur related gadgets ki zaroorat humein aksar sataane lagti hai. Smartphones ke saath aane waali charging cable agar choti hai to lagta hai ki ek badi cable hoti, ya iske saath ek compact Bluetooth speakers lekar hum travel kar paate ya fir ek headphone aur powerbank to bahut zaroori ho gaya hai. Lekin ye sabhi cheezein aapko thodi costly lagti hongi.

Isiliye aapka travel bag kam daam mein taiyaar karne ke liye hum under 1000 INR ke kuch behtar products aapko yahaan bataate hain. Ye sabhi products Pebble ke hain jo aapko kam kimaton mein Amazon par aasaani se mil sakte hain.

 

Pebble Charging Cable – Aap chahe Android smartphone user hain ya fir iOS, Pebble ki ye cable dono ke liye banaayi gayi hai. 2 metres long is wire ki quality bhi behad behtar hai aur Android devices mein lagne waali is charging cable ki kimat 550 INR hai, jabki iOS devices ke liye jo cable compatible hai uska price 599 INR hai.

Pebble Smart USB Charger – Pebble ka ye smart charger 2 USB ports ke saath aata hai, jiski kimat 470 INR hai. Iske dwara aap 2 smartphones ko ek saath charge kar sakte hain. Saath hi ismein over-charging protection, over current, over voltage protection aur temperature control jaise features bhi hain. Ye charger 2.4 ampere ka hai.

Pebble Jukebox – Ye Pebble ka Bluetooth Speaker hai jo aapko built-in battery, enhanced sound quality, up to 10 mtr range aur 3.5 hours of battery backup jaise amazing features ke saath milne wala hai. Achhi aur crystal clear sound quality ke saath aane waale is Bluetooth Speaker ki kimat 859 INR hai.

Pebble Echo Stereo Headphones- Pebble ke ye Echo Stereo Headphones foldable hain jo travel time mein apke bag ke kisi bhi kone mein aasaani se fit ho sakte hain. Only 799 INR mein milne waale in headphones ki quality bhi achhi hai aur inke ear-cups bhi comfortable hain. Ismein aane waali 3.5mm audio jack cable se ye aapke smartphone ke saath connect honge.

Pebble Chord Pro – Headphones ki jagah par Earphones lovers ke liye ye ek achhi pasand hai. Pebble Chord Pro aapko ek white pouch mein milta hai, jiski wire gold color ki hai aur earphone white color ke. Iski kimat kewal Rs. 400 hai.

Pebble Powerbank 6000mAh – Pebble ka ye powerbank bhi aapko kewal 1,045 INR mein milta hai. Halaanki iski power jyada nahin hai, lekin ek short travel ke dauraan ye 2 baar aapke smartphone ko charge karne ki capacity rakhta hai. Ise bhi aap Amazon se kharid sakte hain.

Pebble, jo ki ek famous brand hai aur iske products ki quality bhi achhi hai, uski ke dwara banaaye gaye ye sabhi necessary products aapko 1000 INR tak mein mil jaate hain, jo smartphones ke saath behad zaroori hain.