CES 2017 mein kaafi products launch hue aur kaafi showcase kiye gye. Sharmaji Technical aap ke liye lekar aaye hai iss saal ke kuch interesting devices.

Asus ZenFone AR

asus zenfone ar

Asus ZenFone AR world’s first Tango enabled aur Daydream ready smartphone hai. Iss phone mein aap AR+VR dono ka mazza le sakte hai. ZenFone AR company ke according duniya ka phela 8GB of RAM wala phone hai. ZenFone AR Q2 2017 mein market mein aayega aur tabhi pricing batayi jayegi. Asus yet to reveal full specification of Zenfone AR.

Blackberry Mercury

CES 2017 mein TCL ne apna pehla Blackberry phone showcase kiya Codenamed as Mercury. Abhi comapany ne puri information nahi di hai bas phone ka design vagera show kiya hai. Ismein aapko Physical keyboard milega aur Nougat based phones honge. Baaki details MWC 2017 mein batayi jayengi.

LG Wallpaper OLED TV

Is saal LG ne kuch kamaal kiya hai CES 2017 mein apna super thin 4K OLED TV  W-series launch karke. W ka matlb hai Wallpaper jahan par yeh TV ek Wallpaper jaisa patla btaya gaya hai sirf 2.57 mm thin and yeh 2 components mein ata hai main display and a Dolby ATMOS sound bar alag se jisme TV ke input options mounted hain.

Toyota Concept-i Car

Toyota Concept-i ek future car hai jo AI based hai. Bilkul alag design wali iss car mein Yui AI diya gya hai. Yeh car driver ke mood ke according lighting set karti hai aur seat patterns mein bhi changes karti hai. Saath saath AI driver ki attention ka dhayan rakhti thi aur distractions ke bachati hai. Toyota ka kehna hai ki yeh car 2030 tak fully tyaar ho jayegi.

Honda Riding Assist Technology

ces 2017

Honda ne apna self-balancing motorcycle showcase kiya tha CES 2017 mein. Honda ne ismein Ride Assist technology ko use kiya hai. Iss technology ki madad se bike apne aap balance bna leti hai aur saath saath apne aap chal bhi sakti hai.

Faraday FF91 Future Car

Iss saal Faraday startup ne futuristic car show FF91 show case ki thi. FF91 zero se 60 ki speed par paunch jati hai in 2.39 seconds. Filhaal yeh abhi development mein hai aur isse market mein aane mein kaafi time lagega. Agar yeh car apni kahi baatin par khari utari toh Tesla ko ek kmaal ka competition degi.

Dell XPS 13 2 in 1 Convertible Laptop

Dell ne 13-inch 2-in-1 convertible notebook iss saal CES mein launch kiya. XPS 13 mein 360-degree hinge diya gya hai. 15 ghante tak battery life dene wala yeh laptop QHD+ (5.7M pixels) InfinityEdge touch display ke saath aata hai. Dell XPS 13 mein fan-less design milta hai.

Razer Project Valerie

Haal hi mein khatam huye CES 2017 mein Razer ne alag hi laptop concept Project Valerie show kiya. Iss project ke under aapko ek laptop mein teen 17.3-inch 4K IGZO displays milte hai. Multi displays ki madad se aap gaming ka barpur luft utha sakte hai.

Sleep Number 360 Smart Bed

Yeh normal bed ke tarah dikhne wala Sleep Number 360 smart bed. Yeh bed automatically aapki sleep positon se saath adjust ho jata hai taaki aap aaraam se soo sake. Agar aap neend mein kharate le rhe hai toh yeh detect kar lega aur aapka sar utha dega taaki kharate band ho jayen. Saath saath bed yeh bhi figure out karta hai ki aap kitni aachi tarah se soye aur ismein foot warmers bhi diye gye hai.

Sony e-paper FES Smartwatch

Sony ne second generation e-paper FES Watch ko unveil kiya tha CES 2017. Halaaki yeh baaki smartwatches ki tarah smart toh nahi hai par design mein jabardast hai. Poori watch mein e-ink display diya gya hai jiski madad se aap design patterns ko instantly change kar sakte ho.

Dell 8K Monitor

dell 8k monitor

Professionals ke liye tayaar kiya gya worlds’s first 32-inch 8K monitor with Dell PremierColor – Dell UP3218K. Dell 8K monitor mein aapko chaaro taraf bilkul halke halke bezels diye gye hai. Iske saath aapko sabhi essential adjustments mil jati hai jo aap ek professional display se expect karte hai : pivot, tilt, swivel, and height. Iski price hai sirf $4,999 (roughly Rs. 3,40,000).

Lenovo Smart Assistant

Iss baar CES mein surprise star bankar aaya Amazon Alexa har cheez mein dekhne ko mila. TV, voice assistants, robots, fridges sab mein Alexa hi Alexa. Lenovo Smart Assistant ek smart speaker hai jismein Amazon Alexa ko use kiya gya hai. Iss device ko aap entertainment, information and AI assistance services ke liye use kar sakte hai through voice commands aur IoT based things ko control kar sakte hai.

Xiaomi’s Smart Assistant Kuri

Xiaomi ne Mi Bunny mascot ko Smart assistant Kuri mein convert kar diya hai. Xiaomi ne Kuri ko iss saal CES show mein launch kiya hai. Yeh smart speaker basically kids ke liye banaya gya hai. Kuri chote bacho ko stories read kar suna sakti hai aur help karti hai kids ko speech and social interaction develop karne mein.

Aapko konsa device pasand aaya ??? Comment karo niche!