Hey Guys ! Happy Diwali to you. Aaj hum aapki ye problem solve karne aaye hain ki Diwali mein aap apne friends ya relatives ke liye kya gifts select kar sakte hain. Aisi bahut saari chizein hai jo kewal 15,000 INR ke budget mein aap Diwali par apne relatives ko gifts kar sakte hain ya fir apne ghar ke liye in kifaayati chizon ko kharid sakte hain.

Smartphones

Agar aap smartphones mein interested hain to aapke liye aap ASUS Zenfone 4 Selfie (Dual camera version ) kharid sakte hain jo 13,999 INR mein uplabdh hai. Iske alawa aap Mi A1 ko bhi choose kar sakte hain.

Laptop

Acer ka Aspire 17,990 INR ki kimat mein aane wala 15.6 inch ka laptop bhi Diwali par kisi ke liye achha gift ho sakte hai. Ismein 7th gen processor aur 4GB ki RAM hai.

Tablet

Lenovo ka Yoga Tab 3 jo 8 inch ki HD display aur 6200mAh ki battery ke saath aata hai, 10,000 INR mein best tablet hai. .

TVs

 

Diwali par TV kharidni hai to aap Kodak ki 32 inch ki LED Smart TV jo 14,998 INR mein aati hai ya fir Sansui ki 32 inch ki full HD screen ke saath aane wali LED TV choose kar sakte hain aur iski kimat 15,400 INR hai.

Washing Machine

Is Diwali aap apni purani washing machine ko nayi Whirlpool fully automatic machine se replace kar sakte hain jo 6kg ki top loading machine hai aur 15,000 INR mein available hai.

Iske alawa Whirlpool ki semi automatic machine jo 9,799 INR mein available hai, apki budget choice ho sakti hai.

Speaker

Music lovers is Diwali Bose ke Sound Link Mini II Bluetooth Wireless speakers le sakte hain jinki kimat 15,580 INR hai.

Printer

Printers mein HP ka deskjet ink advantage printer 3835 kewal 5,200 INR mein available hai aur iske alawa aap Epson ke Ink tank printer jo ki wireless hai ko bhi khrid sakte hain aur iska price hai 16,900 INR.

Router

Normal routers ko dekhte huye D-Link ka Dual band router AC750 aapko 1,399 INR mein milta hai aur yadi aapko jyada speed wala chaiye to aap Linksis ka E82750 6,260 INR ki kimat mein kharid sakte hain.

Monitor

LG ka 25 inch ka Ultra-wide monitor ek best budget monitor hai jo is samay 14,996 INR mein available hai. Aap Samsung ka 24 inch ki HD display wala monitor bhi le sakte hain jo 11,490 INR mein milega.

Cameras

Budget camera mein bhi aapke paas 2 options available hai- pehla Canon ka powershot wala 20 MP ka camera jo 45x optical zoom ke saath aata hai aur doosra Sony cybershot jo 12,890 INR ki kimat par uplabdh hai.

Lekin yadi aapko DSLR hi chahiye to aap Canon ka US1300D jo 1855 lens aur 16GB card ke saath aata hai 20,950 INR mein kharid sakte hain

Smartwatches

Kisi ko gift karne ke liye watch ke achhi cheez hai, to aap ASUS ki Zenwatch 3 kharid sakte hain jo ki 15,559 INR mein available hai.

Lekin agar aapka budget thoda kam hai to aap ASUS 8,990 INR mein aane wali ki Zenwatch ko choose kar sakte hain.

Earphones

Jinke friends ko music pasand hai, wo earphones ko gift ke roop mein de sakte hain.

Boat ka base heads 220 aapko 550 INR mein milta hai.

Iske baad Sennheiser CX213 799 INR mein available hai.

Thoda aur high price mein jaane par aap Onemore ke pistonfit le sakte hain jinki kimat 999 INR hai.

OneMore ke hi piston classic 1,399 INR mein milte hain.

Powerbanks

Powerbanks mein aap Xiaomi ke 10,000mAh aur 20,000mAh ke Mi powerbanks le sakte hain jinki kimat 999 INR se shuru hoti hai.

Inmein se koi bhi gift chunkar aap apne relatives aur family friends ko keh sakte hain – HAPPY DIWALI !