Smartphone industry mein, aaj ke samay mein dual rear camera smartphones ka kaafi trend hai. Almost sabhi smartphone makers ke is saal ke flagship mein dual rear cameras moujood hain jaise ki OnePlus 5, Honor 8 Pro aur LG G6. Dual rear cameras mein kaafi saare aise features hote hain jinse aap pictures ke saath bahut se experiment kar sakte hain jaise ki bokeh mode.

Lekin ab kewal premium smartphone users hi nahi, balki budget smartphone users bhi is dual rear camera feature ka anand le sakte hain.

Ab in high-end smartphones ke alawa affordable smartphones mein bhi aapko dual camera setup mil sakega. Aap apne liye niche diye gaye kisi bhi dual rear camera smartphone ko chun sakte hain jinki kimat kewal 15,000 INR tak hai.

K8 Note aur K8 Plus

Lenovo ne pichle mahine K8 Note launch kiya tha aur aaj hi K8 Plus Indian market mein aaya hai. In dono hi smartphones mein dual rear camera setup hai. K8 Note mein 13MP + 5MP ke 2 rear cameras the jinmein dual tone LED flash bhi moujood hai. K8 Plus mein bhi 13+5 MP ke hi 2 rear cameras hain. K8 Note ki ek aur khaasiyat hai uska deca core Helio X23 processor aur ye market mein 12,999 INR ki kimat par available hai , jabki K8 Plus ki kimat 10,999 INR hai.

Xiaomi A1

Xiaomi ne kal hi apna smartphone Mi A1 India mein 14,999 INR ki kimat par launch kiya hai. Is smartphone mein 12 MP ke 2 rear cameras hain, jinmein se ek mein dual tone LED flash light aur f/2.2 aperture hai aur doosra 12 MP ka camera f/2.6 aperture aur 2x optical zoom feature ke saath aayega. Ise aap 12 september se Flipkart par kharid sakte hain.

Moto G5s Plus

Moto G5s jo Amazon par 15,999 INR mein uplabdh hai, mein bhi dual rear camera setup hai. Ismein 13 MP ke 2 cameras hain jismein se ek color sensor hai aur doosra monochrome (black and white.). Camera features hain dual tone LED flash, f/2.0 aperture aur 4K video recording.

Cool 1

Coolpad ka Cool 1 jiske liye LeEco aur Coolpad ne tie-up kiya tha aur December 2016 mein is phone ko India mein launch kiya gaya tha. Ismein bhi 13 MP ke dual rear cameras hain jo dual tone LED flash light, f/2.0 aperture, 4K video recording aur PDAF jaise features ke saath aate hai.

Cool Play 6

Cool Play 6 bhi 15,000 INR ka smartphone hai jo is samay Amazon par available hai. Ismein 13 MP ke dual rear cameras moujood hain jo aapko dual tone LED flash light, aperture of f/2.0 aur PDAF ke saath milte hain. Is handset ki ek aur highlight ye bhi hai ki ye 6GB RAM ke saath aata hai.