Comio jo ki ek Chinese manufacturer hai usne aaj India mein pehli baar mein hi 3 budget phones ek sath launch kar diye hain. Company mainly offline market mein apne phone ko sell karegi sath hi mein acchi service aur kaafi offers bhi de rahi hai. Comio P1, S1 and C1 jo ki ek specific USP ke sath launch kiye gaye hain. Teeno phones under Rs 10000/- category mein aate hain aur har phone ek khaas kaam karne ke liye banaya gaya hai.

This slideshow requires JavaScript.

Comio P1

“P” denotes power yaani yeh phone ek massive 5000mAh battery ke sath aata hai jo aapko moderate usage mein 2 din tak ka talktime dene mein saksham hai. Sath hi mein agar aur specifications ki baat kare toh phone mein di gayi hai 5.5inch ki HD IPS display, 3GB+32GB memory combo aur 64 bit Octa-core processor. Camera ki baat ki jaaye toh aapko isme milega 13MP ka auto focus rear camera with LED flash aur 8MP ka front selfie shooter with screen flash. Phone mein back side mein fingerprint scanner diya gaya hai aur Android 7.0 Nougat pre-installed.  P1 ki price rakhi gayi hai Rs 9,999/- jo 2 color variants mein ata hai metal grey and sunrise gold.

This slideshow requires JavaScript.

Comio S1

“S” denotes style factor jo ki is phone ki USP hai. Is phone mein aapko milta slim design with metal unibody with 7.9mm thickness. Phone mein 5.2inch ki HD IPS display di gayi hai. Sath hi mein aapko milegi 2GB+32GB memory combination, processor ki baat kare toh 64bit Octa-core wala mil jaata hai. Camera ki baat kare toh same aapko P1 ki tarah 13MP with LED flash camera rear mein diya gaya hai aur 8MP front selfie shooter. Battery 2700mAh ki di gayi hai jo ek below average specs hai. Phone mein fingerprint scanner front mein diya gaya hai sath hi mein Android Nougat pre-installed. Iski price Rs 8,999/- mein rakhi gayi hai jo 2 color options mein aata hai Royal Black and Sunrise Gold.

 

This slideshow requires JavaScript.

Comio C1

“C” denotes cool music aur HiFi music jo ki is phone ki USP hai. Phone ek ultra-low budget segment mein aata hai jisme aapko milti hai 5inch HD IPS display, 1GB+32GB ki memory combination. Sath hi mein camera department ki baat ki jaaye toh rear mein 8MP ka camera diya hai aur front mein 5MP ka camera with screen flash. C1 mein aapko 2200mAh ki battery mil jaati hai sath hi mein Android Nougat 7.0. Phone ki price Rs 5,999/- rakhi gayi jo Mellow Gold and Space Black color mein available hai.

Comio ke saare phone aapko offline market mein mil jaayenge coming month mein. Sath hi sath company ne kuch offers aur service schemes bhi di hai jo ki apko ek accha post-sale experience dega.