Google ne aaj Find Public Toilet ka feature public kar diya. Pichle October se Google aur Ministry of Urban Development (MoUD) iss feature ko saath milkar develop kar rahe the.

Android, iOS aur Web users Google Maps mein yeh feature ko ‘public toilet’ search karke use kar sakte hai. “Public Toilet” search karne par aapko nazdiki public toilets list display ho jayegi.  Saath mein exact address aur opening hours ki details and uski rating ko bhi dekh payenge.

Source : Google Maps

Aap public toilets aur restrooms ko review kar unhe rating bhi de sakte. Filhaal yeh feature Delhi NCR aur Madhya Pradesh ke public toilets aur restrooms ki information show karta hai. Yeh service English aur Hindi dono mein uplabhad hai.

Google ne bataya ki  4,000 se bhi upar common toilets aur public restrooms ki details add ki hai Maps mein.

Google ne aur specify karte hue bataya ki ab tak Delhi, Ghaziabad, Gurugram, Noida, Faridabad, Bhopal, aur Indore ki locations ko cover kiya gya hai. Aane wale time mein Ministry of Urban Development (MoUD) ke saath milkar isse aur cities ke liye jaldi launch kiya jayega.