Reliance Chairman Mukesh Ambani ne Jio TV Cable ki announcement July mein Dhan Dhana Dhan offer ke saath hi kar di thi. Lekin iske pehle look aur ye kis tarah se kaam karega in sawaalon ko lekar sabhi behad excited the. Aaj is Jio Media Cable ka pehla look hum aapke saath share karne jaa rahe hain aur saath is article mein aap ye bhi jaan sakenge ki Jio Media Cable ka use kaise kiya jaaye.

Jio TV Cable two types mein aayegi- pehli Cable Jio Phone ko un TVs se connect karne ke liye jinmein HDMI port nahi hota aur doosra jinmein HDMI port aata hai. Yaani ki Jio TV Cable dwara aap feature phone se sabhi videos badi screen par dekh sakte hain, fir chahe wo normal TV ho ya smart TVs.

Jio Media Cable ka price 1,499 diya gaya hai, lekin aapke liye ye cables isse kaafi kam price mein available hongi.

Jio Media Cable jo normal TVs ke liye bani hai ismein aapko device ke saath ek cable milegi jise aap TV ke audio, video inputs mein connect kar sakte hain. Iske alawa USB to micro USB cable bhi milegi jisse aap is device ko charge kar sakte hain.  Ismein device k eek taraf USB port hoga aur doosri taraf 3.5mm jack jisse aap Jio Phone ko sida TV se connect kar sakte hain.

Doosra Jio TV Cable mein bhi device ke saath ek cable aayegi jiske zariye aap HDMI port dwara apne LED TVs mein videos ka anand le sakte hain. Is device mein ek taraf HDMI port hoga aur doosri taraf USB port.

Inko TVs se connect karne ke baad aapki screen par ‘Set me up’ ka option nazar aayega. Jio Phone mein internet on karne par aur Jio TVs, movies ya music ke option par jaane ke baad aapko automatically ready to cast ka option dikhaayi dega. Iske baad koi bhi channel jaise Colors TV, Zee TV par jakar videos enjoy kar sakte hain.  Iske alawa Jio Cinema mein available movies ko bhi aap badi screen par enjoy kar sakte hain.

Jio Media Cable ko Jio Phone ke saath use karna behad easy hai aur ab aap bhi jald hi apne ghar mein available TV ke anusaar Jio TV Cable ko kharid kar, Jio entertainment apps ke dwara poori family ke saath videos, movies aur music ko apni big screen par enjoy kar sakte hain