Google ne kal San Francisco mein ek event ke zariye apne kayi products launch kiye jinmein Pixel 2 smartphones sabse important aur attractive products saabit huye. Pixel 2 Kinda Blue, Just Black aur  Clearly White color options mein available hoga, jabki Pixel 2 XL just Black and White and Black colors mein uplabdh hoga.

Pixel 2 aur Pixel 2 XL 64GB aur 128GB storage options mein market mein aayega. Pixel 2 ke 64GB variant ki kimat USD 649 aur 128GB version ki kimat USD 749 hogi. Wahin Pixel 2 XL ka 64GB version USD 849 mein uplabdh hoga aur 128GB variant USD 949 mein.

India mein Pixel 2 ka starting price 61,000 INR rakha gaya hai, jabki Pixel 2 XL ki kimat 73,000 INR se shuru hogi. Haalaanki ye India mein kab launch hone waale hain, iski information abhi tak nahi mil payi hai. Ye smartphones Flipkart par 26th of October se pre-orders ke liye available honge aur inki sale 15th of November se start hogi.

Pixel 2 aur Pixel 2 XL Aluminium unibody handsets hain jin par hybrid coating ki gayi hai. Pixel 2 light weighted handset hai, jabki Pixel 2 XL big size ke saath thoda bhaari bhi hai. One hand operation ke according Pixel 2 jyada behtar hai. In smartphones mein Active Edge feature bhi hai, jismein edges ko sqeeze karne par Google Assistant open hota hai. Bottom edge par kewal USB type-C port hai aur SIM slots left edges par diye gaye hain.

Ab agar specifications ki baat karein to Pixel 2 mein 5 inch ki full HD AMOLED display hai aur Pixel 2 XL mein 6 inch ki Quad HD+ pOLED display hai. Dono smartphones par Corning Gorilla Glass 5 protection di gayi hai. Dono smartphones Octa Core Qualcomm Snapdragon 835 processor par chalte hain jinmein Adreno 540 GPU aur 4GB ki RAM bhi hai.

Pixel 2 aur Pixel 2 XL, dono smartphones mein 12.2 MP ka rear camera hai jismein LED flash light, f/1.8 aperture, 4K video recording aur laser + dual pixel phase detection jaise features hain. Inke front cameras 8 MP ke hain jinmein f/2.4 aperture hai.

Dono handsets ke front aur rear cameras aapko blurred background ke saath portrait shots lene ka mauka dete hain. Saath hi inmein ek naya motion photos feature bhi diya gaya hai jo picture shot ke aas-paas ke background ki kuch seconds ki video shoot karega.

Fingerprint scanner ke saath aane waale Pixel 2 aur Pixel 2 XL mein Android 8.0 Oreo operating system hai aur ye IP67 certification ke saath dust aur water resistant bhi hain. Pixel 2 mein 2700mAh ki battery hai aur Pixel 2 XL mein 3520mAh ki battery di gayi hai.

Dono Google handsets ke connectivity features kuch is prkaar hain: 4G VoLTE, 3G / HSPA+, EDGE / GPRS, Wi-Fi 802.11 ac MIMO, Bluetooth 5.0 LE, GPS / GLONASS, USB Type-C port and NFC.