Lagbhag 1 week pehle, Huawei ne ye confirm kiya tha ki wo 16th of October ko Mate 10 aur Mate 10 Pro ko Germany mein ek global launch event dwara dikhayega. Magar iske specifications ke baad, is premium smartphone ki images bhi leak ho gayi hain.

Famous tipster Evan Blass (@evleaks) ne apne twitter account ke zariye pehle Mate 10 Pro ke specifications ke baare mein bataaya aur ab haal hi mein unhone Mate10 ki ek tasveer apne account par post ki hai, jismein unhone likhe hai “Here’s Mate 10 in the wild, via tip.”

Ab ki baar, Huawei ne metal unibody design ki jagah Mate 10 aur Mate 10 Pro mein glass back ko chuna hai. Saath hi trend ko dekhte huye ye smartphones bhi thin bezels aur 18:9 ki display ke saath aane wale hain.

Huawei Mate 10 ki tasveer to aap upar dekh hi chuke hain, Ab hum aapko Mate 10 Pro ke baare mein bataate hain. Ismein 5.99 inch ki Quad HD+ display ho sakti hai aur ye smartphone 6GB ki RAM aur 64GB ya 128GB ki internal memory ke saath aane ki sambhaavna hai. Wahin ye smarthone Android 8.0 Oreo par chalega ye company dwara confirm kiya jaa chuka hai.

Mate 10 Pro mein Octa Core Huawei Kirin 970 processor hoga aur ye IP68 certification ke saath aayega. Iske alawa ismein dual rear cameras bhi moujood honge. In confirmed specifications ke alawa, rumored features bataate hain ki Mate 10 Pro mein 4000mAh ki battery aur 8 MP ka front camera aa sakta hai.

Other information ke according, Mate 10 Pro mein 20 MP primary aur 12 MP secondary rear cameras aayenge jo dual tone LED flash light, f/1.6 aperture, Laser auto focus aur Leica ke lenses ke saath ayenge.

Android 8.0 Oreo par chalne waale is smartphone mein company ka apna user interface Emotion UI 6.0 bhi ho sakta hai. Saath hi iske home button mein fingerprint scanner hi moujood hai.