Transsion Holdings ki smartphone brand Infinix ne kuch hi minutes pehle apna flagship smartphone Zero 5 ek event mein announce kiya hai, jo ki Dubai mein chal raha hai. Zero 5  64GB ki internal storage ke saath aayega jiski kimat 17,999 INR hai aur 128GB variant ke saath aane waale smartphone ko Zero 5 Pro ka naam diya gaya hai jiski kimat 19,999 INR rakhi gayi hai. Ye smartphones Flipkart exclusive hain aur 22 November se India mein available honge.

Company ne is baar apne is naye smartphone mein behad achhe specifications diye hain, jaise ki Zero 5 ki 6 inch full HD LTPS in-cell 18:9 display jis par Corning Gorilla Glass bhi hoga aur 6GB DDR4X ki RAM jiske saath 64GB ki onboard storage di gayi hai. Saath hi memory ko 128GB tak expand karne ke liye ismein micro SD card slot bhi diya gaya hai.

Zero 5 mein 2.6 GHz Octa Core MediaTek Helio P25 processor hai aur saath hi Mali T880 MP2 900 MHz GPU bhi hoga. Camera section mein dekhein to, is dual SIM smartphone mein dual rear cameras moujood hain, jinmein primary rear camera 13 MP ka hai aur secondary rear camera 12 MP ka jo telephoto lens aur 2x optical zoom ke saath aane waala hai. Ismein aapko portrait mode bhi milta hai.

Iska front camera 16 MP ka hai jismein selfie flash light bhi di gayi hai. Saath hi company ne ismein naya custom UI diya hai XOS 3 jo Android 7.0 Nougat par based hoga.

Zero 5 mein aapko 4350mAh ki battery milti hai aur ye Android 7.0 Nougat OS par chalta hai. Saath hi aapko ismein security ke liye fingerprint sensor bhi diya jaa raha hai jo rear panel par hai. Iske connectivity features mein 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.2 LE, GPS + GLONASS, Micro USB port, USB Type C port, 3.5mm audio jack aur dual SIM functionality shaamil hain.