Infocus ne aaj ek event ke maadhyam se bhaarat mein apne 2 budget smartphones launch kiye jinke naam hain- Turbo 5 Plus and Snap 4. Turbo 5 Plus 21st September raat 12 baje se 8,999 INR kimat par available hoga. Jabki company ka doosra phone Snap 4, 26th September dopahar 12 baje se 11,999 INR ki kimat par uplabdh karaaya jaayega. Ye dono smartphones kewal Amazon par hi available honge.

Turbo 5 Plus

Turbo 5 Plus 5.5 inch HD On cell IPS display ke saath aayega jis par 2.5D curved glass ki coating hogi aur ye Octa Core MediaTek MT6750 processor dwara sanchaalit hoga, saath hi 3GB ki RAM aur 32GB ki internal memory bhi hogi.

Turbo 5 Plus mein 13 MP aur 5 MP ke do rear cameras moujood hain. Primary 13 rear camera, dual tone LED flash aur f/2.0 aperture ke saath aata hai, jabki secondary rear camera mein f/2.2 aperture hai. Ismein 4850mAh ki battery bhi hogi.

Snap 4

Snap 4 mein 5.2 inch ki HD On-cell IPS display hogi jis par 2.5D curved glass layer lagaayi gayi hai. Is smartphone mein bhi dual rear cameras moujood hai, lekin secondary rear camera 8 MP ka hai jismein f/2.4 aperture hai, jabki primary 13 MP hi hai.

Snap 4 mein Octa Core MediaTek MT6750N processor hai, jiske saath 4GB ki RAM aur 64GB ki internal storage hai. Iska front camera bhi 5MP ki bajaay 8 MP ka hoga jo aapke liye thodi better selfies lene mein sahayak hoga. Snap 4 ki battery 3000mAh ki hi hai.

Turbo 5 Plus aur Snap 4, dono Android 7.0 Nougat OS par chalte hain aur dono mein fingerprint scanner bhi hai. Turbo 5 Plus ka fingerprint reader home button mein hi moujood hai, jabki Snap 4 mein iski jagah badalkr rear panel par di gayi hai.

In dono smartphones mein microSD card slot bhi moujood hai jiske dwara phone ki storage ko 64GB tak aur adhik badhaya jaa sakta hai. Inke connectivity features hain – 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.1, GPS, Micro USB port, 3.5mm audio jack aur dual SIM support.