Apple ke jin smartphones ka intezaar sab besabri se kar rahe the, wo September 12 ko der raat launch kiye gaye, jinmein iPhone X jo is saal ka flagship model hai, iPhone 8 aur iPhone 8 Plus shaamil hain. Ye sabhi smartphones ek event mein showcase kiye gaye jo kal California ke Apple Park Campus ke Steve Jobs Theater mein hua.

Ye teenon smartphones Gold, Silver aur Space Grey colors mein 64GB aur 128GB storage variants mein available honge.

Aaiye inke detailed specifications ke baare mein aapko bataate hain:

iPhone X

iPhone X, jo ki company ka flagship model hai, 5.8 inch ki OLED Super Retina HD display ke saath aayega, jiski pixel density 458ppi hai. Is smartphone mein company ne is baar face ID Facial Recognition technology ka istemaal kiya hai jiske ke chalte ek TrueDepth camera bhi hai.

iPhone X mein dual 12 MP rear shooters hain jismein Quad True Tone LED flash light, f/1.8 aperture, OIS, telephoto lens, 2x optical zoom aur 4K video recording jaise features moujood hain. Is smartphone ke dono front aur rear cameras mein portrait mode bhi diya gaya hai.

iPhone X ka 64GB version USD 999 aur 256GB variant USD 1,149 ki kimat par available hoga. Is smartphone ke pre-orders 27th of October se start honge aur iski bikri ki date 3 November 2017 tay ki gayi hai.

iPhone 8

iPhone 8 mein 4.7 inch ki Retina HD display hai jo aapko 1334 x 750 pixels ke resolution ke saath milegi. iPhone 8 mein kewal ek 12 MP ka rear camera hai jo f/1.8 aperture, Quad True tone LED flash aur OIS ke saath aayega.

iPhone 8 ka 64GB variant USD 699 par aur 256GB version USD 849 ki kimat par uplabdh hoga.

iPhone 8 Plus

Jabki doosri taraf iPhone 8 Plus 5.5 inch ki full HD display ke saath aayega. iPhone 8 Plus mein bhi iPhone X ki hi tarah dual 12 MP rear snappers moujood hain. Iske primary camera mein f/1.8 aperture, Quad true tone LED flash, 4K video recording, 6 elements lens aur OIS hain. Jabki iska secondary rear camera telephoto lens, f/2.8 aperture aur 2x optical zoom jaise features ke saath aata hai.

iPhone 8 Plus ke 64GB aur 256GB storage variants ka price USD 799 aur USD 949 rahega. iPhone 8 aur 8 Plus 15th of September se kuch selected countries mein pre-order ke liye available hain aur inki sale 22nd September se start hogi.

Other features

In differences ke alawa baaki features teenon iPhones mein same hain. iPhone X, 8 aur 8 Plus mein 64 bit six-core A11 Bionic processor hai jiske saath M11 motion co-processor aur three core GPU bhi included hai. Teenon handsets iOS 11 par chalte hain.

Sabhi iPhones mein built-in lithium-ion battery hai jo Qi wireless charging technology ke saath aati hai, aur aapko 21 ghanton tak ka talktime de sakti hai.  iPhone X, 8 aur 8 Plus ka front camera 7 MP ka hai jo f/2.2 aperture, Retina flash light aur full HD video recording ke saath aata hai. In handsets mein fingerprint scanner bhi home button mein moujood hai aur ye IP68 certification praapt water and dust resistant smartphones hain.

Inke connectivity features hain – 4G VoLTE, 3g / HSPA+, EDGE / GPRS, Wi-Fi 802.11 ac with MIMO, Bluetooth 5.0, NFC, GPS  + GLONASS aur micro USB port.

India Launch and Pricing Details

iPhone X, iPhone 8 aur 8 Plus ka India launch 29th of September ko hoga. In sabhi iPhones ke dono variants 64GB aur 256GB India mein launch kiye jaayenge. Kuch hi samay pehle company ne ye bhi btaya hai ki India mein inke sabhi models ke price kya honge. iPhone 8 aur 8 Plus 29th September se hi available honge, jabki iPhone X ki sale 3rd November se start hogi.

  1. iPhone 8 ka 64GB variant 64,000 INR ka hoga aur 256GB version ka price 77,000 INR hoga.
  2. iPhone 8 Plus ke 64GB variant ki kimat 73,000 INR hogi aur iska 256GB variant 86,000 INR ki kimat par uplabdh hoga.
  3. Flagship model iPhone X 64GB variant ko 89,000 INR mein becha jayega aur 256GB storage variant ka price 1,02,000 INR hai.