Jio ne aaj Diwali Dhan Dhana Dhan offer ke chalte naye tariff plans launch kiye hain jinke maadhyam se Jio ki sabhi Digital services aapko minimum price mein available karaayi jaayengi.

Ye sabhi naye plan benefits naye aur existing customers dono ke liye 19th October se available honge. Naye Diwali plans ke according, theek pehle ki tarah consumers ko high speed 4G data milega aur unki daily limit khatm hone par kam speed par unlimited data milega. Iske alawa unlimited calls (dono local aur STD) aur free national roaming bhi milegi.

Jio ke naye 459 INR ke plan ke according, Jio Prime members ko 3 months tak 1GB high speed data per day, unlimited voice calls aur sabhi Jio apps ka access milega. Lekin prepaid users ko ye sabhi services isi plan mein 84 days ke liye milengi.

Is Diwali ke mauke par Jio ek double Dhamaka offer bhi laya hai jismein Jio ke popular 149 INR ke tariff plan mein each billing cycle mein milne wale 2GB data ko badhakar 4GB kar diya gaya hai. Iske alawa free unlimited calls aur Jio apps services continue rahengi.

Jo log heavy data users hain, unke liye Jio ka 509 INR ka plan hai jismein 49 days ke liye 2GB high speed data per day milega aur saath hi unlimited local and STD calls aur Jio ki other services bhi uplabdh karaayi jaayengi.  Is hisaab se 1GB data aapko kewal Rs. 5.2 mein mil raha hai.

Jo log unrestricted high speed data access chahte hain, unke liye Jio long term non-FUP plans lekar aaya hai. 999 INR ke plan mein apko 3 months ke liye 60GB high speed data milega, iska 6 months ka plan jo aapko 125GB unrestricted high speed data dega uski kimat 1,999 INR hogi. Iske alawa Jio aapko yearly 4,999 INR ka plan bhi deta hai jismein aapko 350GB high speed data milega.

Iske alawa Jio ne kayi daily aur weekly tariff plans bhi announce kiye hain.