Le 2 jo haal hi mein launch hua hai or bahut bhari matra mein logon ko pasand bhi aaya hai. Aaj hum apko yahaan uske camera ke baare mein poori jaankaari denge. Aap keh sakte hain ki 11,999 INR ki price range mein Le 2 ke cameras bahut hi badhiya hain.

Camera Sample

Camera Sample

Le 2 ka 16 MP ka rear camera jo ki bikul handset ke beechon- beech hai, phone ko dekhne mein bahut sundar banata hai. Le 2 ka primary camera din ke samay bahut hi achhi aur detailed (vistrit) pictures le sakta hai, jo apko natural colors ke saath dekhne ko milti hain. Agar low light mein images capture karne ki baat karein to bhi ye camera dual LED flash ki madad se kaafi had tak apko achhi images deta hai, haalanki ye daylight ke barabar sharp nahi hongi, fir bhi inmein aapko kaafi details mil jaengi.

Camera Sample

Camera Sample 3

Le 2 ka 16 MP ka camera full HD videos mein aapko kaafi achhi video de sakta hai, halaanki ye 4K video bhi support karta hai, jiski madad se aap bhut achhi quality ki videos record kar sakte hain. Is camera se aap slow motion video bhi record kar sakte hain. Agar aap video sample dekhne chahte hain to neeche di gayi video dekh sakte hain.

Le 2 ke camera features kaafi had tak Le 1s jaise hi hain, jaise ki aap photo, video , slow motion aur pano ke beech mein easily switch kar sakte hain. Photo click karte samay bhi aap uppar ki taraf left side mein diye gaye option dwara camera settings badal sakte hain jaise ki- Timer, shutter sound, store location, Exposure, Picture size, White balance, etc.  Iske alawa aapko neeche ki taraf HDR, Night, Beauty and scene ke option milte hain.

Camera Sample 

Camera Sample Le 2

Ab baat karte hain Le 2 ke front camera ki, jo 8 MP resolution ke saath aata hai. Le 2 ka front camera bhi achhi selfies lene mein capable hai, saath hi in photos ko aap beautification mode dwara aur behtar bana sakte hain. Agar aap ise zoom karke dekhe to aap images ki bahut achhi detail aapko mil jaegi.

Agar kisi ko camera purpose se 12,000 INR ke budget mein smartphone chahiye to Le 2 unke liye bahut acha option hai.