Aaj hum aapko yahaan LeEco Le 2 aur Xiaomi Redmi Note 3 ke vistrat tulnatmak adhyaan (detailed comparison) ki jaankaari denge. Ek taraf LeEco Le 2 hai, jo Le 1s ka successor hai, haal hi mein launch hua aur lakon bharatyion ki pasand ban gaya hai. Aur dusri taraf Redmi Note 3 hai, jo hazaaron nahi, laakhon ki matra mein bharat mein bika hai. To chaliye dekhte hai ki kaun kisse kitna behtar hai.

le 2 vs redmi note 3

Design and Build Quality (Nirman Gunvatta)

LeEco Le 2 aur Redmi Note 3 dono hi poori tarah se metal se bane hain aur choone mein bahut hi umda (premium) lagte hain. Build Quality ki taraf dhyan dein toh Redmi Note 3 rounded edges ke sath apko milta hai jiski wajah se use pakadna bahut assaan hai. Wahin, LeEco Le2 mein chamfered edges moujood hai jiske kaaran ye handset dekhne mein bahut hi uttam darje ka lag raha hai.

Redmi Note 3 mein neeche ki taraf apko ek micro USB port aur microphone milega. Jabki Le 2 mein ek speaker, primary mic aur USB type-C port aata hai. Dono hi smartphones ke right edges par volume rocker aur ek power button bhi moujood hai. Wahin Le 2 aur Redmi Note 3 mein SIM tray slot left edges par mil jayenge.

Le 2 image

Inka sabse bada difference ye hai ki Redmi Note 3 common 3.5mm audio jack ke sath aata hai. Jabki Le 2 mein audio sun ne ke liye aapko USB type- C port ka istemaal karna padega, jise “CDLA loss less” technology ka naam diya gaya hai. Iski madad se aap ek achhe audio ko sun ne ka anubhav le payenge.

Design ko dhyaan mein rakhte huye in dono smartphones mein se kisi ek ko chun na thoda mushkil hai, magar Le 2 ke design mein is baar company ne bahut sudhaar kiya hai.

Display

Redmi Note 3 aur Le 2 dono mein hi 5.5 inch full HD display hai. Display mein achi brightness or colors hai jiski chalte display aapko dhoop mai bhi kaafi bright dikhegi. Le 2 ki tulna mein Redmi Note 3 ke color ka taapmaan thoda kam hai.

Performance

Le 2 vs redmi note 3..

Le 2 mein 1.8 GHz Octa core Snapdragon 652 processor hai jiske sath 3GB RAM aur 32GB internal memory milti hai. Wahin Redmi Note 3 mein hexa core Snapdragon 650 CPU hai. Ismein storage ke do vikalp hai- pehla 2GB RAM ke saath 16GB ROM aur dusra hai 3GB RAM ke saath 32GB ROM.

Dono handsets ka performance (kaam) achha hai. Apko kisi tarah ki kami nazar nahi aaegi. Lekin Le 2 mein do atirikt Cortex A-73 cores hain. Magar Le 2 mein memory badhane ke liye microSD slot nahi hai wahin Redmi Note 3 microSD slot ke saath aata hai.

Camera

Le 2..

Dono smartphones mein 16 MP cameras piche ki taraf hai jo aapko dual tone LED flash aur PDAF ke saath milte hain. Dono smartphones ke ye cameras aapko kaafi achhi or detailed images de paayenge, fir chahe light kam kyun na ho.

Le 2 mein jahaan aage ki taraf 8 MP ka camera hai wahin Redmi Note 3 mein aapko 5 MP ka selfie camera milta hai. Le 2 ka ye camera Redmi Note 3 se bahut achhi selfies pictures deta hai aur Le 2 dwara li gayi images bahut hi clear (spsht) bhi hai.

Software

Le 2 mein Android ka naya version, Android 6.0 Marshmallow operating system hai jo EUI 5.8 skin ke saath aata hai. Wahin dusri taraf Redmi Note 3 mein Android 5.1 Lollipop hai jis par MIUI 7 skin hai.

Battery

Xiaomi-Redmi-Note-31

Redmi Note 3 mein apko 4000mAh ki badi battery milti hai wahin Le 2 mein 3000mAh battery hai jo Redmi Note 3 ke mukaable thodi kam hai. Dono handsets 1 din ka battery backup aaram se de sakte hain, magar Redmi Note 3 yahaan Le 2 se behtar vikalp hai.

Conclusion

LeEco Le 2 aur Xiaomi Redmi Note 3, dono hi aapko 11,999 INR ki kimat par milte hain. Dono hi handsets is kimat mein kaafi achhi visheshtaayein dete hain. Magar hamaare anubhav se Redmi Note 3 ke mukaable, Le 2 ek achha smartphone hai.