Lenovo ne aaj india mein apna affordable smartphone K8 Plus launch kiya jo dekhne mein K8 Note jaisa hi lagta hai jo pichle mahine India mein launch hua. K8 Plus ko New Delhi mein ek press event mein launch kiya gaya aur ye kal se Venom Black aur Fine Gold color options ke saath kewal online leading portal Flipkart par uplabdh hoga aur iski kimat hogi 10,999 INR.

K6 Power ke successor K8 Plus ki khaasiyat hai iska dual rear camera setup. 13 MP ke primary rear purecell sensor mein dual tone LED flash, f/2.0 aperture, Largan 5P lens hai aur 5 MP ka secondary depth sensor bhi aapko yahaan par milta hai. Is dual SIM smartphone mein 8 MP ka selfie camera hai jo LED flash light aur f/2.2 aperture jaise features ke saath aata hai.

K8 Plus mein 5.2 inch ki full HD 2.5D curved Glass display hai jo Corning Gorilla Glass ke saath aayegi aur ye smartphone Octa Core MediaTek Helio P25 16nm processor par chalta hai jiski clock speed 2.6 GHz hai.

Ismein piche ki taraf ek fingerprint sensor moujood hai aur saath hi ismein ek music key bhi di gayi hai jiske dwara aap music ko play aur pause kar sakte hain. Ye smartphone bhi baaki Lenovo smartphones ki tarah TheaterMax technology and Dolby Atmos Sound support ke saath aata hai.

K8 Plus mein 3GB ki RAM aur 32GB ki internal memory hai jise microSD card ki madad se 128GB tak badhaya jaa sakta. Is Android 7.1.1 Nougat operating system dwara sanchaalit phone mein aapko 4000mAh ki battery milti hai jo lagbhag poore 2 din ki battery life degi.

Iske Connectivity features hain 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.1, GPS, Micro USB 2.0 port, 3.5mm audio jack aur dual SIM connectivity. Saath hi company ne ye bhi announce kiya hai ki K8 Plus ko bhi Android 8.0 Oreo update jald hi milega.