LG ne aaj apna naya premium smartphone V30 IFA 2017 mein launch kiya jo ki Berlin mein ho raha hai. Ye smartphone Aurora Black, Cloud Silver, Moroccan Blue aur Lavender Violet colors mein 21st September, 2017 se Korea mein uplabdh hoga aur uske kuch waqt baad North America, Asia, Europe, Africa aur Middle East mein bhi mil sakega.

LG V30 ke specifications details bhi aa chuke hain. Ismein 6 inch ki QHD+ OLED display hai jis par Corning Gorilla Glass 5 protection ke liye moujood hai. Ye metal unibody smartphone dekhne mein bhi sundar hai aur piche ki taraf 2 rear cameras ke saath flash bhi moujood hai, jinke thik niche fingerprint scanner bhi hai.

LG V30 jahaan ek taraf dust aur water resistant hai wahin ise MIL-STD 810G certification bhi praapt hai jo ise tough prove karta hai. Ye smartphone Octa Core Qualcomm Snapdragon 835 processor dwara sanchaalit hota hai aur saath hi ismein 4GB ki RAM aur 64 GB ki inbuilt memory bhi moujood hai jise microSD card dwara anay 2TB tak badhaya jaa sakta hai.

Agar camera ki baat karein to, LG V30 mein 16 MP ka primary rear camera hai jo dual tone LED flash, Laser auto focus aur f/1.6-aperture ke saath aayega. Saath hi 13 MP ka secondary rear camera bhi aapko yahaan milega jismein f/1.9 aperture aur 120 degree wide angle lens bhi moujood hain. Is smartphone mein 5 MP ka front facing camera hai jo f/2.2 aperture ke saath aayega.

LG V30 company ke apne user interface LG UX 6.0+ par chalta hai jo Android 7.1.2 Nougat OS par based hai. Is Smartphone mein 3300mAh battery ki hai aur connectivity features kuch is prkaar hain 4G VoLTE, 3G / HSPA+, EDGE / GPRS, Wi-Fi 802.11 ac (2.4GHz and 5GHz), Bluetooth 5.0 LE, GPS, NFC and USB Type C 2.0 port.

Kuch baatein abhi tak is smarphone ke baare mein saaf nahi hui hain jaise ki iska price aana baaki hai aur ye haal hi mein launch huye Android 8.0 Oreo par upgrade hoga ya nahin.