Motorola ne aaj apna naya mid-range smartphone India mein ek event dwara launch kar diya hai. Jaisa ki Flipkart ne pehle hi ghoshna kar di thi, Moto X4 kewal Flipkart par hi available hoga aur iski kimat hogi 20,999 INR 3GB RAM aur 32GB internal storage variant ke liye aur 22,999 INR 4GB RAM ke saath 64GB onboard storage variant ke liye. Sabse pehle is smartphone ko company dwara IFA 2017 mein launch showcase kiya gaya tha.

Buy Link- Click here

Specifications ki baat ki jaaye to, Moto X4 mein 5.2 inch ki full HD LTPS IPS display hai jis par Corning Gorilla Glass protection di gayi hai. Ye smartphone Octa Core Qualcomm Snapdragon 630 14nm processor dwara sanchaalit hota hai jiski clock speed 2.2 GHz hai, saath hi ismein Adreno 508 GPU bhi diya gaya hai.

Ab Moto X4 ke cameras ke baare mein jaante hain. Ismein dual rear camera setup hai, jismein 12 MP ka primary camera, dual Autofocus Pixel sensor aur f/2.0 aperture ke saath aayega. Saath hi 8 MP ka secondary rear camera, dual tone LED flash light, f/2.2 aperture, 120 degree field of view aur 4K video recording ke saath moujood hai. Moto X4 mein 16 MP ka front camera bhi diya gya hai jismein Led flash light bhi hogi.

Is dual SIM smartphone mein 3000mAh ki battery hai jise turbo charging ka saath mila hai aur ye IP68 certified praapt dust and water proof phone hai. Is handset mein expansion slot bhi hai jiske dwara memory ko another 2TB tak badhaya bhi jaa sakta hai.

Moto X4 mein fingerprint scanner bhi moujood hai aur ye Android 7.1 Nougat OS software par chalta hai. Iske connectivity features mein 4G VoLTE, 3G / HSPA+, EDGE / GPRS, Wi-Fi 802.11 ac, Bluetooth 5.0 LE, GPS, GLONASS, NFC, USB Type C port aur 3.5mm audio jack shaamil hain.