Motorola ne decided date se pehle hi apna mid range smartphone IFA 2017, Berlin mein launch kar diya hai, jiska naam hai Moto X4. Is phone ki khaasiyat ye hai ki ismein dual rear cameras hain jo Dual Auto Focus Pixel Technology ke saath aate hain. Iske secondary camera ke saath aap blurred background ke saath images click kar sakte hain aur background change bhi kar sakte hain.

Is adonized aluminum frame ke saath aane waale smartphone ko 3D design diya gya hai jisse dekhne mein ye behad khoobsoorat lagta hai.

Moto X4 Super Black and Sterling Blue color options mein 399 Euros ke starting price ke saath September, 2017 mein Europe mein available hoga. Other countries mein iski availability par abhi tak company ke kuch nahi kaha hai.

Ab chalte hain Moto X4 ki specifications ki or, Moto X4 5.2 inch ki full HD LTPS IPS display ke saath aata hai jis par Corning Gorilla Glass ki layer hai. Ye aapko single aur dual SIM dono variants mein mil sakega aur saath hi ismein two storage variants bhi honge.

Moto X4 2.2 GHz Octa Core Qualcomm Snapdragon 630 14nm processor dwara sanchaalit hai aur saath hi Adreno 508 GPU hai. Is smartphone ka ek variant 3GB ki RAM aur 32GB ki internal memory ke saath aata hai aur jin logon ko jyada storage chahiye unke liye 4GB ki RAM aur 64GB ki ROM ke saath bhi ye smartphone available hoga.

Moto X4 mein 2 rear cameras hain jismein se 12 MP ka auto focus primary camera Dual Autofocus Pixel sensor, f/2.0 aperture aur PDAF ke saath aayega aur iska secondary 8 MP rear camera bhi  dual LED flash light, 120 degree field of view, f/2.2 aperture, aur 4K video recording jaise features ke saath aayega.

Moto X4 ek centric smartphone bhi hai jisemein 16 MP ka front camera hai jo LED flash light aur f/2.0 aperture ke saath aata hai. Ye ek dust aur water resistant handset hai jo Android 7.1 Nougat OS par chalta hai aur ismein 3000mAh ki battery hai jo Turbo Charging dwara supported hai jo aapke smartphone ko 15 minutes mein itna charge kar dega ki wo 6 hours tak chal sake.

Moto X4 ki connectivity options hain 4G VoLTE, Wi-Fi 802.11 ac, Bluetooth 5.0 LE, GPS, GLONASS, NFC, USB Type C port.