Jio jab se market mein aaya hai tab se telecom industry mein jabardast ghamasaan maccha hua hai. Haal hi mein Reliance Jio ne apni Prime Membership ki shuruwat ki hai jismein aapko Rs. 303 mein unlimited data milta hai. Jaise hi Jio ne apne plan details share kiye sabhi competetors me apne customers ke liye sweetness aa gayi, aur dena shuru kar diya best plan la ladoo. Lekin doston ye sirf ek dikhawa hai, puri baat ko samjhe aur tabhi apne best offer plan le, naa ki ullu ban jaaye.

reliance jio vs airtel vs vodafone vs idea

Reliance Jio ke Prime aur non-prime plans ko takkar dene ke liye Airtel, Idea and Vodafone ne bhi same tarah ke plans announce kiye hai. But kya ab aap confuse hai ki kis company ka plan better hai ??? Toh chailye aaj ke iss article mein inn sabhi companies ke plans ka post-mortem karte hai.

Massive Comparison

Recently Airtel ne Rs. 345 ka plan announce kiya hai jo Reliance Jio ke Rs. 303 plan se on paper toh similar hai but actual mein Jio aapko better value deta hai. Niche dikhayi gayi table me aapko ek comparison dikh raha hai, jisko thoda samjhe to pata chalta hai konsa best hai.

reliance jio comparison

Data Offers

Airtel aur Jio aapko daily 1GB 4G data dene wale hai. But reality mein aapko Airtel 1GB data as it is nahi dene wala. Airtel ke iss plan mein aapko 500 MB data din mein milega and baaki 500 MB data raat mein 3 A.M. se 5 A.M. ke beech mein use kar sakte hai. Toh vasav me aap sirf 500 MB data use kar payenge jabki 1GB use karne ke liye aapko subah 3 A.M. tak jaagran karna padega.

Wahi Vodafone ke Rs. 346 plan mein aapko 1GB per day ke hisaab se total 28GB ka data milega. Yahan par aapko timing based koi bhi limit nahi milti hai. But 1GB ki daily limit cross karne ke baad aapse 4000 INR/GB charge kiya jayega. Yeh value Vodafone ke per KB ke rate ko calculate karne par aati hai. Kyunki aapko agar pata nahi chala toh aapk blance kat jayega 4RS per MB ke hiaab se, toh yahan se Vodafone ki loot shuru hoti.

Idea apne Rs. 348 ke plan mein sirf 14GB data de raha hai for 28 days. Saath saath aap ek din mein sirf 500MB data hi use kar sakte hai. Vodafone ki tarah yahan bhi limit cross karne ke baad aapse 4000 INR/GB charge kiya jaa sakta hai.

Calls offers

Sabhi chaaro hi networks mein aapko Unlimited calls ka offer milta hai. But Vodafone mein FUP present hai jis mein aapko ek din ke 300 minutes or ek hafte ke 1200 minutes milte hai.

Jio mein aapko national roaming mein bhi outgoing and incoming calls free milti hai. Wahi Airtel ke Rs. 345 plan mein aapko incoming calls toh free milengi but roaming mein outgoing calls ke charges lagenge.

Other offers

Jio apne Prime Members ko premium Jio Apps including JioTV, JioCinema, JioMags, JioCloud ki subscription bhi free mein offer kar raha hai. Wahi Airtel apne users ko koi bhi special subscription nahi de raha hai.

Reliance Jio ki Prime Membership 31st March se phele le par aapko 5GB data extra milega. Wahi Vodafone mein bhi 20th March se phele recharge karwane par double data and validity milegi. But Airtel and Idea mein aisa koi bhi offer present nahi hai.

MOST IMPORTANT :- Also Airtel, Vodafone, Idea ke plans sirf selected users ke liye 15th March 2017 tak available hai and chances hai ki yeh companies baad mein yeh offers withdraw kar le. Saath saath yeh offers 3G users ko nahi milenge and only limited to selected users.

Iss Massive comparison ke baad aapko pata chal gya hoga ki konsi company aapko kya value provide karwa rahi hai. Comment karo niche aur batayo ki aap Reliance Jio ke saath jaoge yaa fir kisi aur teleco operator ke saath ???

Zayada jankari  ke liye humari video dekh sakte hai yahan par jio ke plans ko acche se samjhaya gaya hai.

Jio Prime Plan FAQ’s

Aur zayada jaankai ke liye aap humare YouTube Channel “Sharmaji Technical” ko subscribe kare aur tech ki duniya ki sahi jaankari lete rahe.