OnePlus fans ka intezaar, finally khatm ho hi gaya, OnePlus 5T ko kuch hi minutes pehle company dwara New York mein launch kiya gaya. OnePlus 5T Midnight Black color mein kewal Amazon par available hoga. 21st of November se Amazon Prime Members ise kharid sakte hain, jabki other consumers ke liye ye November 28 se uplabdh hoga.

OnePlus 5T jismein 6GB ki RAM hogi 32,999 INR ($499) mein milega aur 8GB ki RAM ke saath aane wala 5T 37,999 INR ($559) mein upladh hoga.

OnePlus 5T ke features ki baat karein to ismein 6 inch ki Full HD+ Optic AMOLED 18:9 screen hai jo 80.5% screen to body ratio ke saath milti hai aur ye 2.45 GHz Octa Core Qualcomm Snapdragon 835 processor par chalta hai. Is smartphone mein aapko storage ke do variants milenge jinmein 6GB ki DDR4X RAM ke saath 64GB storage variant aayega aur doosra version 8GB ki DDR4X RAM aur 128GB ki internal storage ke saath aayega.

Camera section ko dekhte huye bhi, ye smartphone behad achha lag raha hai, ismein 16 MP ka auto focus rear camera hai jo f/1.7 aperture, dual LED flash light, Sony IMX398 sensor aur EIS ke saath aayega. Saath hi ismein apko 20 MP ka secondary rear shooter bhi diya gaya hai jo f/1.7 aperture aur Sony IMX376K sensor ke saath aata hai.

OnePlus 5T ka front camera 16 MP ka hai jismein f/2.0 aperture aur Sony IMX371 sensor hai. Full view display hone ke kaaran iska fingerprint scanner rear panel par moujood hai aur ismein aapko OnePlus 5 ke comparison mein badi battery milti hai jo 3300mAh ki hai.

OnePlus 5T mein Face Unlock feature bhi aayega jo ek naya feature hai aur Company ki maanein to iske zariye aap apne phone ko 0.1 second mein unlock kar sakte hain. Ye handset Oxygen OS par chalta hai jo Android 7.1.1 par based hai.