Oppo ne bhi aaj apna selfie centric smartphone jiska naam Oppo F5 hai, India mein ek event mein launch kar hi diya. Pichle mahine company ne is smartphone ko sabse pehle Philippines mein launch kiya tha. Aaj India mein ye handset Black aur Gold colors mein launch kiya gaya.

Oppo F5 bhi two storage variants mein uplabdh karaayaa jaayega. Iska ek variant jo 4GB ki RAM aur 32GB ki internal memory ke saath aayega uski kimat 19,990 INR hogi aur 9 November se sale ke liye available hoga. Wahin doosra 6GB RAM aur 64GB ki flash memory ke saath aane waala version 2nd December se 24,999 INR mein uplabdh karaayaa jaayega.

Oppo F5 mein 6 inch ki full HD+ 2.5D curved glass display hai jo 18:9 aspect ratio aur Corning Gorilla Glass 5 protection ke saath aayegi. Ismein 16 MP ka front facing camera hai jo LED flash light aur f/1.8 aperture ke saath aayega. Iska front camera jo ki iski highlight hai, 20 MP ka hai aur f/2.0 aperture, 1/2.8″ sensor jaise features ke saath aata hai. Iske front camera mein A.I. beauty recognition technology feature hai jo 200 facial recognition spots ko scan karke aapke selfie ko aur jyada beautify karta hai.

Oppo F5 2.5GHz Octa Core MediaTek Helio P23 16nm processor dwara sanchaalit hota hai aur ismein ARM Mali G71 MP2 GPU bhi hai. Is dual SIM handset mein microSD card slot bhi hoga jo additional 256GB tak support kar sakta hai. Saath hi ye ColorOS 3.2 par chalta hai jo Android 7.1 Nougat par based hai.

Oppo F5 metal unibody design ke saath aayega aur ismein fingerprint scanner bhi hai jo rear panel par moujood hai. 3200mAh built-in battery ke saath aane wale is smartphone ke connectivity features kuch is prkaar hain- 4G VoLTE, 3G / HSPA+, EDGE / GPRS, Wi-Fi 802.11 a/b/g/n, Bluetooth 4.2, GPS + GLONASS, Micro USB port and 3.5mm audio jack.