Xiaomi ne apni nayi Y series ka pehla smartphone Redmi Y1 India mein 2nd November ko launch kiya tha. Ye ek budget handset hai jo 8,999 INR mein aaj se Amazon aur Mi.com par available hai. Xiaomi ki taraf se ye pehla budget handset hai jo 16 MP ke selfie camera ke saath aa raha hai.

Oppo aur Vivo dwara launch huye selfie-centric handsets ko takkar dene ke liye Xioami ne ek budget selfie focused smartphone launch kiya hai.

Xiaomi Redmi Y1 Camera Review [Video]

[youtube https://www.youtube.com/watch?v=GvSlSDi-U1E]

To aaiye is smartphone ki highlight yaani ki camera ke baare mein jaante hain.

Sabse pehle baat karte hain Redmi Y1 ke front facing camera ki jo 16 MP ke resolution, LED flash light, f/2.0 aperture, Omni vision sensor aur 76.4 degree wide angle lens ke saath aata hai.

Iska selfie camera indoor lights mein bahut achha kaam karta hai. Ismein aapko jyada modifications nahin milengi, lekin bharpoor lighting mein selfie natural colors aur detailing ke saath aati hai. Lekin low light mein ye camera utna acha nahin hai. Handset ko move karte hi instantly exposure bhi badalta rehta hai.

Outdoor lights mein aate hi selfie video ya photos mein aapko completely natural colors hi nazar aate hain, koi color correction ya modification nahin ki jaati. Camera options mein bhi aapko Beautify mode, timer, panaroma option, manual aur tilt shift jaise option diya gaye hain.

Ismein selfie image ko aap fingerprint scanner par tap karke bhi click kar sakte hain. Iske liye registered fingerprint ki bhi koi zaroorat nahin hogi, selfie click karne ke liye koi bhi fingerprint kaam karega.

Iska ek major drawback ye hai ki, agar aap andhere mein selfie flash ke saath image click Karne ki koshish karte hain, to image bilkul dark aur khrab aati hai. Thodi lights hone par hi iski selfie flash kaam karti hai.

Redmi Y1 ka rear camera 13 MP ka hai jo thoda basic hi hai. Iske saath aapko kuch filters bhi milte hain jaise ki- Normal, Lomo, Color pop, rustic, Icv, etc. Ismein aap time lapse ke saath video bana sakte hain lekin slow motion ka option nahi diya gaya hai. Iski images bhi behad clear hain aur yadi brightness jyada lage to aap ise tap karke kam bhi kar sakte hain. Rear camera mein bhi colors natural hain aur sharpness bhi above average hai. Saath hi ye day light mein minor details bhi aasaani se capture karta hai.

Iske rear camera mein aapko portrait mode ka bhi option milta hai. Object saamne aane par ye use focus kar background ko halka blurr kar deta hai. Iska shutter bhi fast hai to image click karne mein koi problem nahi hoti aur saath hi HDR mode bhi aapko ismein milta hai.

Ab agar hum Redmi Y1 ka comparison Oppo aur Vivo ke selfie centric smartphones se karein, to ye results aate hain.

  1. Oppo F3 se image click karne par color thode sharpen kiye jaate hain, image thodi bright colors mein aati hai, jabki Vivo aur Redmi Y1 mein images apko natural colors ke saath milti hai.
  2. Vivo camera se image click karne par wo ise itna beautify kar deta hai ki image totally unnatural lagti hai, wahin Oppo mein ye thik kaam karta hai aur Redmi Y1 ki picture poori tarah se natural colors aur lighting ke saath aati hai, lekin thodi dull zaroor hai.
  3. Night ya andhere mein Vivo ki moonlight flash aur Oppo ki flash Xiaomi Redmi Y1 ki selfie flash se kahin behtar kaam karti hain.

At last dekha jaaye to, 8,999 INR ki kimat mein Xiaomi ne ek achha selfie camera dene ki koshish ki hai, jo day light mein Oppo aur Vivo ke mid range handsets ko achhi takkar de raha hai, lekin kahin n kahin dark light mein thoda piche reh gaya hai.