Reliance Jio ne pichle saal se hi poore desh mein unlimited calls ki service dekar sabhi other operators ke customers ko apni taraf kar liya tha. Pehle poori tarah se free calls aur internet aur ab only 303 INR mein unlimited monthly calls aur daily 1GB 4G data.  Reliance Jio bhale hi unlimited calls offer karta hai, lekin ek call ki duration kitni honi chahiye, iski limit zaroor set ki gayi hai.

Reliance Jio ke customer representative ke through ye baat saamne aayi hai ki aapko monthly recharge par unlimited calls to milti hai, lekin do logon ke beech ek call ki limit 5 hours hai. Koi bhi Jio SIM user jo is limit ko exceed karta hai, uski outgoing calls ki service us poore din ke liye rok di jayengi. Aur yadi aap is service ko dobaara start karna chahte hain, to aapko 149 INR ka recharge karna hoga.

Jio customer representative ke according 5 ghante se lambi call chalne par customer ko disturbance bhi aani shuru ho jaayegi aur uske baad uski service 1 day ke liye band bhi ki jaayegi. Ye limit Jio-to-Jio aur Jio to other network calls, dono par laagu hongi.

Isi matter se jude huye ek person ke according ye limit kewal misuse se bachaav ke liye set ki gayi hai aur telecommunications regulator TRAI ke according hi is limit ko laagu kiya gaya hai. Lekin yadi users ki call within 5 hours khatm ho jaati hai, to aap unlimited calls ki service ko continuously enjoy kar sakte hain. Fir chahe aap din mein 1-1 ghante ki 10 call kyun na karein.

Saath hi yadi aap is limit ka paalan karte hain, to Reliance dwara SIM users par aur koi limit ya conditions nahi lagaayi jaayengi. Lekin ye sirf Jio SIM users ke liye hai. Yadi aap JioPhone ke baare mein baat karte hain, to us se judi kuch terms and conditions alag hain, jinhein aapko maanna hoga.