Samsung ne aaj India mein apna Galaxy Tab A 8.0 ka 2017 edition launch kiya jo 17,999 INR ki kimat par Black aur Gold color mein available hoga. Aap ise Samsung India online shop se ya fir other leading retailers dwara poori country mein kahin bhi khrid sakte hain. Is tablet ka cover bhi 2,499 INR ki kimat par uplabdh hai.

Ye tablet metal body se bana hai jismein display ke niche Samsung ka signature home button aur other menu buttons diye gaye hain. Ismein 5000mAh ki badi battery hai jo aapko 14 ghante tak ka video playback deti hai.

Galaxy Tab A 8.0 (2017) mein 8 inch ki WXGA TFT display hai aur ye 1.4 GHz Quad Core Qualcomm Snapdragon 425 processor dwara sanchaalit hoga, jiske saath Adreno 308 GPU bhi diya gaya hai. Ismein 2GB ki RAM aur 16GB ki internal memory bhi moujood hai jise aap microSD card ke through 256GB tak aur adhik badha sakte hain.

Galaxy Tab A 8.0 (2017) mein 8 MP ka auto focus rear camera hai jo aapko LED flash light aur f/1.9 aperture jaise features ke saath milega. Iska front camera 5 MP ka hai. Ye tablet aapko voice calling capabilities ke saath milega jo Android 7.1 Nougat operating system par chalega. Iske other connectivity features mein 3G / HSPA+, EDGE / GPRS, Wi- Fi a/b/g/n (2.4 + 5 GHz) HT40, Bluetooth 4.2, GPS + GLONASS, Micro USB 2.0 port, 3.5mm audio jack and single SIM slot shaamil hain.

Company aapko Galaxy Tab A 8.0 (2017) ke saath within a year one time screen replacement ka offer bhi de rahi hai jiski kimat kewal 990 INR hogi. Lekin ye offer tabhi valid hai jab aap is tablet ko launch ke 1 month ke bheetar hi kharidein.