Smartphone aaj ke samay mein sabki zaroorat bhi hai aur sabke entertainment ka ek maatr saadhan bhi, khaastaur se traveling time mein. Lekin aise mein smartphone ki memory kayi baar ek badi pareshaani saabit hoti hai kyonki jyadatar smartphone users ek budget handset ki hi talaash mein hote hain jismein unhein 16GB ya 32GB tak ki flash memory mil paati hai.

Memory ki problem ke chalte yadi aap phone mein se data ko pen drive mein transfer karein ya fir naya phone lekar ek smartphone se doosre smartphone mein data transfer karein, to bhi ismein bahut time waste hota hai.

Smartphone ki is problem ko solve karne ka achha tareeka Sandisk aapke liye laaya hai. Sandisk ki dual drive M3.0 USB OTG Drive ki mada se ye problem minutes nahin balki seconds mein solve ho sakti hai.

Aaj ke samay mein jyadatar smartphone USB OTG support ke saath aate hain au raise mein ye choti si device aapke liye bahut kaam ki cheez hai.  Sandisk ki M3.0 USB OTG Drive se behad achhi data speed milti hai.

Yadi aapko ek phone se doosre phone mein data transfer karna hai to aap pehle ek phone se is dual drive mein data transfer karein aur isse doosre phone mein. Sandisk ki M3.0 USB OTG Drive minutes mein aapke saare data ko read aur write karne ki kshamta rakhti hai.

Generally internal storage se external Sd mein cheezon ko transfer karna behad sardardi ka kaam lagta hai jo aasaan to bilkul nahi hota, lekin SanDisk ke Ultra Dual USB Drive ke saath aapko is cheez mein koi pareshaani nahin aane waali.

USB 2.0 par, iski average write speed 18 Mpbs aur read speed 33 Mbps hai.

USB 3.0 par, iski average write speed 32 Mbps aur read speed 110 Mbps hai.

Agar aap movies ke shaukeen hain aur aapke smartphone mein storage kam hai to bhi ye USB drive aapke liye behad achhi hai. Aap ismein apni favorite movies daal kar saath le jaayein aur directly apne phone ke USB OTG port mein Sandisk ki M3.0 USB OTG Dual Drive ko lagaayein aur movies ko enjoy karein.

Iske alawa limited storage issue ko resolve karne ke liye aap Whatsapp ya Facebook ki videos aur photos ko bhi ismein save kar sakte hain aur baad mein jab chahe friends ya family se isi ke through directly share kar sakte hain.

Saath hi Sandisk ne apni ek application Sandisk Memory zone bhi aapke kaafi kaam ki cheez hai jismein  aap smartphone ka memory back up le sakte hain, facebook se picture save kar sakte hain, etc. Ye files ko select karke alag alag categories mein manage karke rakhti hai taaki aap easily apne phone ka back up rakh sakein.