Next week smartphones ki industry ka ek important week hai, jismein kayi bade smartphones launch hone jaa rahe hain. September ke is second week mein Apple aur Samsung bhi apne naye next flagship handsets launch karne jaa rahe hain jinka logon ko besabri se intezaar hai.

Aaiye hum aapko bataate hain ki kaun se brands apne upcoming smartphones ko market mein utaarne waale hain.

  1. Xiaomi Mi MIX 2: Xiaomi ka Mi MIX 2 jo ek bezel less display ke saath aane waala hai, uska launch event bhi 11 September ko hai. Ye 6GB RAM or 8GB RAM variants mein aa sakta hai. Iske alawa rumors ke according Xiaomi Mi MIX 2 ke alawa Mi Note 3 bhi launch ho sakta hai jismein 5.7 inch ki display, Snapdragon 835 CPU aur 6GB RAM aane ki information hai.

2. Samsung Note 8 : Samsung Note 8 India launch ka intezaar Samsung fans IFA 2017 se pehle se hi kar rahe hain. Un sabhi ke liye ye khabar behad achhi hogi ki Samsung Note 8 12 September ko New Delhi ke ek press event mein launch hone jaa raha hai. Ismein 6.3 inch ki QHD+ display, Snapdragon 835 aur 6GB ki RAM hai.

3. Apple iPhone 8 series: Apple ka event bhi 12 September ko hi hai jismein Apple iPhone ke next new three models launch karne waala hai. In upcoming smartphones ka launch event Apple Park campus ke Steve Jobs Theater mein hoga. iPhone ki is nayi series ke pre-order 15th September se start ho sakte hain aur rumors ke anusaar ye 22 September se on sale hoga. Iski highlight hogi ismein aane waali bezel less Samsung OLED display.

4. ASUS Zenfone 4 series: ASUS bhi next week mein September 14 ko India mein apni Zenfone series launch karne waala hai jo selfie focused hogi. Ismein Zenfone 4, Zenfone 4 Pro, Zenfone 4 Selfie, Selfie Pro, Zenfone 4 Max aur Zenfone 4 Selfie Lite launch ho sakte hain. Inmein se maximum smartphones mid-range ho sakte hain, jabki Zenfone 4 Selfie Lite 15,000 INR tak ki kimat par aane ke aasaar hain.

5. Infocus: Infocus bhi agle hi week mein apne naye smartphones ko Indian market mein showcase karne waala hai. Infocus ka upcoming handset launch 13th September ko hai jismein Turbo 5 ke successor Turbo 5 Plus ke launch hone ke rumors hain. Aane waale is handset ke baare mein abhi tak kewal itna confirm hai ki ismein dual rear camera setup aur 4850mAh ki battery hogi aur ye ek affordable phone hoga.