Har badalte din ke saath naye smartphones ki ginti badhti hi jaa rahi hai aur uski ke saath competition bhi bahut adhik badh raha hai. Smartphones se bhi fast speed mein badh jaa rahe hain unke features. Har company ki koshish yahi hai ki every new generation ke saath phones mein kuch advanced features diye jaayein. IFA 2017 mein bhi aise hi kuch handsets showcase kiye gaye jo ab October 2017 se available honge. Aane waale month mein kayi aise hi flagship smartphones India mein ya globally launch hone waale hain jo premium category ke hain aur behad acche aur improved features ke saath aapko milne waale hain.

  1. Moto X4 – Moto X4 ek mid-range smartphone hain aur IFA 2017 mein company dwara introduce kiya gya tha. Moto X4 isi week India mein launch hone jaa raha hai aur iske features hain – 5.2 inch full HD display, dual rear cameras (12 + 8 MP), 16 MP front camera, Snapdragon 630 jiski clock speed 2.2 GHz hogi. 3GB ya 4GB ki RAM aur 3000mAh ki battery. Ye smartphone aapko lagbhag 30,000 INR mein uplabdh karaaya jaayega.

  1. Huawei Mate 10 – Huawei ne IFA 2017 ke dauraan ye confirm kiya tha ki Mate 10 aur Mate 10 Pro ka global launch event Munich mein 16th of October 2017 ko hoga. Haalanki in dono handsets ke full specifications ke baare mein abhi koi information nahi hai, lekin company ke CEO ne ye btaya hai ki ye full view display, Kirin 970 processor aur dual rear cameras ke saath aayega. Other specifications ki details hum Munich launch event ke baad aapse share karenge.
  2. iPhone 8 and 8 Plus – Kuch hi weeks pehle Apple Park Capmus mein launch huye iPhone 8 aur 8 Plus India mein bhi launch ho chuke hain. Indian iPhone fans ka intezaar bhi ab khtm ho hi chuka hai, kyunki iPhone 8 and 8 PlusOctober 2017 hi Reliance Digital stores, Amazon aur Flipkart par available hai. Dono phones mein Retina HD display, A11 Bionic chipset aur iOS 11 hai.
  3. LG V30 : LG V30 jo ki is baar IFA 2017 ki shaan tha, lekin uska price company ne ab jaakar Korea mein reveal kiya hai. Ye high-end handset lagbhag 55,000 INR ka hai. Korea mein KG V30, 20th September se available hai, aur other countries including India mein bhi company ke according October 2017 mein available hoga.
  4. Google Pixel 2: Google ki nayi Pixel series bhi 4th of October 2017 ko launch hogi. Iske specifications jaanne ke liye bhi humein wait karna padega. Lekin kuch features jo confirm hain unmein front facing stereo speakers, always-on display, fingerprint scanner, single rear camera aur OLED display shaamil hain.
  5. Nokia 8 : Nokia 8 pichle hi week India mein ek event mein launch hua hai. Ismein 5.3 inch QHD display, Octa Core Snapdragon 835 processor, dual 13 MP rear cameras, 3090mAh battery aur 4GB ki RAM hai. Ye handset bhi 14th October se Amazon aur kuch selected retail outlets par aapke liye available hoga.