Vivo ne kuch hi minutes pehle apna naya selfie centric smartphone Mumbai, India mein ek press event mein launch kiya hai. Ye handset Champagne Gold aur Matte Black colors mein 21,990 INR mein uplabdh hoga. Vivo V7+ aaj se pre-orders ke liye availablde hai aur 15th September se aap ise online Amazon aur Flipkart par aur leading offline retailers se all India mein kahin bhi kharid sakte hain.

Vivo V7+ duniya ka pehla aisa smartphone hai jo Octa Core Snapdragon 450 SoC ke saath aaya hai aur iski clock speed 1.8 GHz hai.

Baaki specifications ko dekhein to Vivo V7+ bhi latest trend apnaate huye 18:9 display ke saath launch hua hai jis par Corning Gorilla Glass protection hai. Is 5.99 full view 2.5D curved display ka resolution 720 x 1440 pixels hai aur screen-to-body-ratio 84.4% hai, jiska matlab hai ye ultra thin bezels ke saath uplabdh hoga.

Vivo V7+ ek selfie focused smartphone hai, ismein 24 MP ka front camera moujood hai  jo Vivo ki moonlight glow( front flash) aur f/2.0 aperture ke saath aata hai. Iska rear camera 16 MP ka hai jismein f/2.0 aperture, dual tone LED flash light aur PDAF jaise features hain.

Storage ke aadhaar par bhi ye phone above average hai, ismein aapko 4GB ki RAM aur 64GB ki internal memory milti hai aur ismein moujood microSD card slot ke zariye aap ise another 256GB tak extend bhi kar sakte hain. Vivo V7+, company ke apne UI FunTouch OS 3.2 par chalta hai jo Android 7.1 Nougat par based hai.

Is dual SIM based handset mein aapko 3225mAh ki battery aur rear panel par ek fingerprint scanner bhi milega.  Iske connectivity features hain 4G VoLTE, 3G / HSPA+, EDGE / GPRS, Wi-Fi 802.11 b/g/n/ac, Bluetooth 4.2, GPS + GLONASS, Micro USB 2.0 port, USB OTG aur 3.5mm audio jack.