Asus ne aaj New Delhi mein ek event dwara apne flagship Notebook, Vivo S15 aur company ki nayi ZenBook UX430 ko introduce kiya. Ye ZenBook Asus ka ab tak ka thinnest (patla) ZenBook hai jo separate graphics card ke saath aayega jiski kimat hogi 74,990 INR. Jabki VivoBook S15 1st October se 59,990 INR mein uplabdh hoga.

VivoBook S15

VivoBook S15 mein 15.6 inch ki full HD display hai jismein 178 degree wide viewing angles hain aur iske chaaron taraf 7.8mm ke bezels hain, saath hi aapko 80% screen to body ratio milta hai. Ye VivoBook Metallic Icicle Gold finish ke saath milega jiski thickness 17.9mm aur weight 1.7 kilograms hai.

ASUS ki VivoBook S15 8th Generation 2.1 GHz quad core Intel Core i7 8550U processor dwara sanchaalit hai jiske saath NVIDIA GeForce MX150 graphics aata hai. Ismein aapko 16GB ki DDR4 ki RAM, 128GB SSD storage aur 1TB ki HDD storage milti hai. Iski battery aapko 8 hours tak ka battery backup deti hai jo fast charging support ke saath aayegi.

VivoBook S15 mein two USB ports, one HDMI port aur 1 USB 3.1 Type C port milte hain. Iske other connectivity features mein Bluetooth 4.2 aur Wi-Fi 802.11 ac shaamil hain.

ZenBook UX430

Asus ki ye nayi ZenBook UX430 sabhi ZenBooks mein thinnest hai jiska weight kewal 1.25 kilograms hai. Ismein 14 inch ki full HD display hai jiske dono taraf nanoedge bezels hain jo 80% screen to body ratio dete hain.

Ye ZenBook bhi VivoBook ki hi tarah 8th Generation Intel Core i7 processor par chalta hai aur ismein games aur baaki zarooraton ke according Nvidia MX150 GPU hai. ZenBook mein 16GB ki RAM aur 512GB tak ki SSD memory hai. Ye laptop 15.9mm thick hai aur saath hi front mein Harmon Kardon ke speakers bhi lagaaye gaye hain. Iski battery aapko 9 ghante tak ki battery life de sakti hai, jo fast charging dwara 60% tak kewal 50 minutes mein charge ho jaati hai.