Laptop ya computer ki slow speed se lagbhag har koi kabhi n kabhi pareshan rehta hai, lekin aapko kya lagta ki is slow speed ka main reason aakhir kya hai ? Apke laptop ya desktop par highest boot time milta hai aur speed slow hai to uska kaaran aapke dwara istemaal kiye jaane wali HDD hai, jinki jagah par SSD ka use kiya jata hai.

Samay ko thoda peeche leja kar dekhein to pehle hard disk bahut badi aur bulky aaya karti thin, lekin uske baad SSD ka zamana aaya aur ab ye SSD bhi ek choti si chip mein simat kar reh gayi hai jo aapke laptop ki speed ko boost karne ki capability rakhti hain aur aapke daily uses mein aapke samay ko bahut had tak bachaati hai.

Aaj hum aapko aisi hi ek SSD ke baare mein bataane jaa rahe hain, jise laptop mein lagaate hi aapko kamaal ki speed milegi aur samay bhi bachega. Ye hai WD Black PCIe Solid State Drive.

Aaiye dekhte hain ki WD Black PCIe Solid State Drive ko laptop aur desktop mein lagaakar kaise unhein kaise fast kar sakte hain. Ye choti si SSD ki read aur write speed 450 MB hai aur ye kewal aapki choti finger ke barabar hai jo dekhne mein RAM jaisi lagegi. Computer aur desktop ke baare mein jaanne waale ise RAM samjhne ki galti kar sakte hain.

WD Black PCIe Solid State Drive agar aapko laptop mein lagaani hai to ye directly lag sakti hai, lekin desktop mein lagaane ke liye ek adapter ki zaroorat padegi, jo aapko separately kharidna padega. Is adapter mein aap ye SSD card lagakar ise desktop ke back side mein laga sakte hain.

Laptop mein WD Black PCIe Solid State Drive lagaane ke liye aap laptop ka back cover open karke puraane SSD ko nikalkar, WD Black PCIe Solid State Drive laga sakte hain aur ise screw se tight kar fir back cover band kar dein. Ab aap apna boot time dekhenge to wo kaafi kam ho jaayega.

Hum apni baat karein to WD Black PCIe Solid State Drive lagaane se pehle hamaare laptop ka boot time 15 minutes aur 8 seconds tha. Jabki ise lagaane ke baad boot time kewal 6 minutes 48 seconds reh gaya hai.

Iska speed test karne par humne paya ki SSD to SSD copy karne par iski speed 500 se 700 ke beech aati hai. Hard disk se SSD mein copy karne mein Hard disk ki maximum speed 100 se 150 ke beech hai, to uski read speed kaafi kam hai jabki SSD ki write speed itni hoti hai. SSD se HDD mein copy karte hain to HDD ki speed kaafi kam hone ke kaaran time lagta hai.

Lekin yadi aap SSD se SSD mein copy karte hain to aapko 500 se 800 tak ki speed milti hai aur 15GB tak ki data aap seconds mein copy kar sakte hain.

WD Black PCIe Solid State Drive lagaane ke baad aapko video editing mein bhi kaafi kam samay lagega. Apne experiment ke according agar hum aapko bataayein to jo video aap pehle 15 se 20 minute mein banaa paate the, ab wahi kaam aap 3-4 minutes mein kar sakenge.

WD Black PCIe Solid State Drive apne laptop ya desktop mein lagaane ke baad aapka daily usage ka time kam ho jata hai. WD Black PCIe Solid State Drive 256GB aur 512GB mein milti hai jiski kimat 10,099 INR aur 25,265 INR hai. Inhein aap Amazon se kharid sakte hain.