Xiaomi coming Monday yaani ki 11th of September ko apna latest flagship smartphone Mi MIX 2 launch karne jaa raha hai. Iske baare mein pehle hi market mein kaafi rumors hain, lekin haal hi mein jo images aayin hain wo is smartphone mein logon ke interest ko aur badhaati jaa rahin hain.

MI MIX 2 ko design karne ke liye Xiaomi ne phir se ek baar French designer Phillippe Starck ke saath milkar kaam kiya hai aur inki jodi ne Mi MIX 2 ko jo design diya hai, wo bahut hi shaandaar and premium hai, jaisa ki aap images mein dekh bhi sakte hain.

Xiaomi ki is beautiful image se ye saaf nazar aa raha hai ki Mi MIX 2 bezel less display ke saath aane waala hai. Is image se ye bhi pta chalta hai ki Xiaomi Mi MIX 2 mein selfie camera bottom edge par hoga.

Ab agar neeche di gayi image ki baat karein to Mi MIX 2 ke front panel ko dekhkar andaaza lagaaya jaa sakta hai ki iske predecessor ke comparison mein iski screen slightly reduce hui hai aur ye 18:9 ratio ke saath bhi aa sakta hai.

Is image ke according Mi MIX 2 ka screen to body ratio bahut zyada hai, jo is smartphone ko ek behtar look dega. Iske top and side edges mein ultra thin bezels hai, jabki bottom bezel thoda zyada hai.

Other specifications kuch aise hain, Mi MIX 2 mein Snapdragon 835 processor hoga jo Qualcomm dwara confirm kiya gaya hai. Ismein storage ke 2 options ho sakte hain jismein pehla hoga 6GB RAM ke saath 128GB ROM aur 8GB RAM ke saath 256GB internal memory, halaanki ye abhi tak confirm nahi hai.

Mi MIX 2 ke 6 inch display aur 4,400mAh ki battery ke saath aane ke kaafi aasaar hai aur ye ek mid-range smartphone ho sakta hai. Iske confirm specifications, price aur availability ki sahi information hum iske launch ke samay par aapko zaroor denge.