September mein Mi MIX 2 ko China mein launch karne ke baad, aaj Xiaomi ne ise India mein New Delhi mein ek press event mein showcase kiya. Mi MIX 2 India mein 17th of October se 35,999 INR ki kimat par kewal Flipkart par aur company ke online store Mi.com par sale ke liye available hoga.

Wahin Mi MIX 2 ko November ke first week se offline Mi Home store aur other retail stores par bhi sale kiya jaayega. In sabhi retailers par ye smartphone 0% percent EMI scheme ke saath bhi available hoga.

Mi MIX 2 mein 5.99 inch ki full HD+ 18:9 display hai aur ye 2.45 GHz Octa Core Qualcomm Snapdragon 835 10nm processor par chalta hai, jismein Adreno 540 GPU bhi hai. Xiaomi Mi MIX 2 ko India mein 6GB ki RAM aur 128GB ki internal memory ke saath launch kiya gaya hai. Iske 64GB aur 256GB storage variant yahaan available nahi honge. Is smartphone mein aapko memory expand karne ka option bhi nahi diya gaya hai.

Mi MIX 2 mein 12 MP ka rear camera, Led flash light, Sony IMX386 sensor, aperture of f/2.0 aur 4K video recording jaise features ke saath aata hai. Iska selfie shooter 5 MP ke resolution, facial recognition technology aur full HD video recording ke saath aayega.

Is dual SIM based handset mein rear panel par fingerprint scanner bhi moujood hai aur ismein 3400mAh ki inbuilt battery di gayi hai jo Qualcomm Quick charge 3.0 support ke saath aati hai. Mi MIX 2 ke connectivity features mein 4G LTE, 3G / HSPA+, EDGE / GPRS, Wi-Fi 802.11 ac, Bluetooth 5.0, GPS + GLONASS, NFC, USB type C port aur 3.5mm ka audio jack shaamil hain.

Xiaomi Mi MIX 2 kewal Black color mein hi available hoga aur company ke user interface MIUI 9 dwara sanchaalit hoga jo Android 7.1 Nougat OS par based hai.