As expected, Xioami ne aaj apni nayi Y series ko India mein launch kiya aur is series ke under jo handset launch hua hai uska naam hai Redmi Y1. Xioami ki taraf se India mein launch hone waala ye pehla selfie-centric smartphone hai.

Redmi Y1 Gold and Dark Grey color options mein available hoga. Saath ki ye ek online exclusive handset hai jo kewal Amazon par 25th November se sale ke liye available hoga.

Price Rs 8,999/- for 3GB/32GB

Price Rs 10,999/- for 4GB/64GB

Ab agar hum specifications ki baat karein to, Redmi Y1 5.5 inch ki HD display ke saath aayega jis par protection ke liye Corning Gorilla Glass ki coating hogi. Redmi Y1 mein 16 MP ka front facing camera hai jo LED selfie light ke saath aayega taaki low light conditions mein bhi selfie picture behad achhi aur detailing ke saath aaye.

Redmi Y1 Octa Core Qualcomm Snapdragon 435 processor dwara sanchaalit hoga jiski clock speed 1.4 GHz hogi aur saath hi ismein Adreno 505 GPU hai. Is handset mein aapko 3GB ki RAM aur 32GB ki onboard storage milegi jise aur adhik 128GB tak microSD card slot dwara badhaya bhi jaa sakta hai.

Redmi Y1 mein dual nano SIM card slots hain aur iski battery 3080mAh ki hai. Ye smartphone company ke apne user interface MIUI 9 par chalega jo Android 7.1.1 Nougat OS par based hoga. Iske connectivity features mein 4G VoLTE, 3G / HSPA+, EDGE / GPRS, Wi-Fi 802.11 b/g/n, Bluetooth 4.1, GPS, Micro USB port aur 3.5mm audio jack shaamil hain.