Xiaomi ne apna naya smartphone India mein launch karne ki poori tyaari kar li hai, ye Redmi  3 ka naya variant hai, Redmi 3S. Is handset ko launch karne ke liye company ne is mahine ki 3 taarik ko hi chuna hai.

Redmi 3S 1

Xiaomi Redmi 3S, June 2016 mein 2 storage variants ke saath China mein launch kiya gaya – 2GB RAM ke saath 16GB ki flash memory aur 3GB ki RAM ke saath 32GB ki internal memory. In dono variants ki kimat CNY 699 aur CNY 899 thi. Company ne abhi ye nahi bataya hai ki wo India mein dono variants launch karne waale hain ya nahi, magar is smartphone ki kimat takriban 10,000 INR ho sakti hai.

Agar Specifications ki baat karein to, Redmi 3S mein 5 inch ki HD display hai and ye 1.4 GHz Octa Core Qualcomm Snapdragon 430 processor ke saath aaega. Is smartphone mein 2GB / 3GB ki RAM ke saath 16 ya 32GB ki internal memory milegi jise microSD card slot dwara 128GB tak badhaya ja sakta hai.

Redmi 3S 2

Redmi 3S mein 13 MP ka camera peeche ki taraf hai jo LED flash light, f/2.0 aperture, HDR mode aur Phase Detection Auto Focus feature ke saath aata hai. Ismein 5 MP ka front facing camera bhi apko milega. Dono rear aur front cameras full HD video record kar sakte hain. Is smartphone mein 4100mAh ki battery hai jo din bhar ki mixed usage ko dekhte huye bahut hai.

Redmi 3S mein apko fingerprint scanner bhi mil jaega. Ismein Hybrid dual SIM slot hai jiska matlab hai ki users second SIM slot ko microSD card slot ki tarah bhi use kar sakte hain. Ye handset MIUI 7 ke saath aata hai jo Android 6.0.1 marshmallow OS par based hai.

remi 3s 3

Agar connectivity features ki baat karein to, Redmi 3S 4G LTE, 3G / HSPA+, EDGE / GPRS, Wi-Fi 802.11 b/g/n, GPS / A-GPS, Glonass, Bluetooth 4.1, Micro USB port aur 3.5mm audio jack ko support karta hai.

Redmi 3S teen colors mein uplabdh hai, Grey, Silver and Gold. Is smartphone ki measurement hai 139.3×69.6×8.5mm and iska wazan (weight) 144 grams hai.