Xolo ne aaj ek New Delhi mein ek press event dwara apne 3 naye smartphones launch kiye, jinke naam hain- Xolo Era 3, Era 2V and Era 3X. Ye sabhi smartphones aapko kewal Flipkart par hi milenge jinke saath 1 saal ki free screen replacement guarantee bhi hai.

Xolo Era 3X ka price 7,499 INR hai, Era 2V 6,499 INR ki kimat par uplabdh hai aur Era 3 ki cost bhi 4,999 INR hai.

Xolo Era 3X, Era 2V aur Era 3, teenon handsets mein 5 inch ki HD IPS on-cell display hai aur ye 1.25 GHz quad core MediaTek MT6737 CPU dwara sanchaalit hote hain. Ye teenon 4G enabled handset hain aur teenon hi mein Android 7.0 Nougat software hai.

Xolo Era 3X

Upar di gayi specifications ke alawa Era 3X mein display par Corning Gorilla Glass layer hogi. Ismein 3GB ki RAM aur 16GB ki internal memory di gayi hai. Iske alawa iske dono front and rear cameras 13 MP ke hain aur dono mein LED flash light aur f/2.2 aperture jaise features hain. Era 3X mein 3000mAh ki battery hai aur rear panel par fingerprint scanner moujood hai.

Xolo Era 2V

Ab agar hum Era 2V ki baat karein to, Era 2V mein 2GB ki RAM aur 16GB ki inbuilt memory hogi. Ismein bhi 3000mAh ki hi battery aur rear panel par fingerprint scanner diya gaya hai. Era 2V mein rear camera 8 MP ka hai jo LED Flash, f/2.0 aperture, 5P Largan lens aur Blue Glass Filter ke saath aayega. Jabki iska front camera 13 MP ka hi hai jo LED flash ke saath milega.

Xolo Era 3

Era 3 mein 1GB ki RAM aur 8GB ki ROM hai. Iske alawa iski battery bhi 2500mAh ki hai. Era 3 mein 5 MP ka rear camera hai aur 8 MP ka front facing camera. Ye dono hi cameras LED flash light aur f/2.2 aperture ke saath aayenge. Ismein aapko fingerprint scanner  nahi milega.

Ye teenon hi selfie-centric smartphones hain, Era 3X Pash Black colors mein available hoga, Era 2V Jet Black color mein aur Era 3 Slate Black color mein uplabdh hoga.